[ad_1]
வாக்காளர் அட்டையுடன் ஆதார் எண் இணைப்பு – எளிய வழிமுறைகள் இதோ!
நாடு முழுவதும் வாக்காளர் பட்டியலுடன் ஆதார் எண்ணை இணைப்பதற்கான பணி ஆகஸ்ட் 1ஆம் தேதி தொடங்கியுள்ளது. இப்பணிகளை 2023 மார்ச் 31 ஆம் தேதிக்குள் முடிக்கும் வகையில், மாநில தலைமை தேர்தல் அதிகாரிகளுக்கு உரிய அறிவுறுத்தல்களை இந்திய தேர்தல் ஆணையம் வழங்கியுள்ளது. இதற்கென ‘6 பி’ என்ற படிவமும் அறிமுகம் செய்யப்பட்டுள்ளது.
ஆதார் எண் இணைப்பு:
இந்திய தேர்தல் ஆணையம் (EC) ஆகஸ்ட் 1 முதல் வாக்காளர் அடையாள அட்டையை ஆதார் அட்டையுடன் இணைக்கும் முயற்சியை பல மாநிலங்களில் தொடங்கியுள்ளது. அதாவது வாக்காளர் பட்டியலில் வாக்காளரை உறுதி செய்யவும், ஒரு வாக்காளர் பெயர் ஒன்றுக்கும் மேற்பட்ட தொகுதியில் இடம் பெறுவதை தவிர்க்கவும், ஒரு வாக்காளரின் பெயர் ஒரே தொகுதியில் ஒன்றுக்கும் மேற்பட்ட இடங்களில் இடம்பெற்றிருந்தால் அவற்றை கண்டறியவும் வாக்காளர்களின் சுய விருப்பத்தின் பேரில் ஆதார் எண்ணை வாக்காளர் அடையாள அட்டையுடன் இணைக்க தேர்தல் ஆணையம் அறிவுறுத்தியுள்ளது.’
Exams Daily Mobile App Download
மேலும் பிடிஐ அறிக்கையின்படி, முன்னாள் தலைமைத் தேர்தல் ஆணையர் சுஷில் சந்திரா கூறியது, வாக்காளர் அடையாள அட்டையுடன் தனிப்பட்ட அடையாள எண்ணை இணைப்பது விருப்பமானது என்றும், அதை இணைக்காததற்கு வாக்காளர்கள் போதுமான காரணத்தைக் கொண்டிருக்க வேண்டும் என்றும் கூறியிருந்தார். மேலும் வாக்காளர் அடையாள அட்டையுடன் ஆதார் எண்ணை இணைக்க விரும்புபவர்கள் புதிய படிவம் 6B ஐ நிரப்புவதன் மூலம் செய்யலாம். ஒரு வாக்காளர் ஆதார் எண்ணை ஆன்லைனிலும், ஆப்லைனிலும் சமர்ப்பிக்கலாம். மேலும் தேர்தல் பதிவேட்டில் பெயர் இடம் பெற்றுள்ள ஒவ்வொரு நபரும் அவரது ஆதார் எண்ணுடன் தேர்தல் பதிவு அதிகாரியிடம் படிவம் 6B ஐ சமர்ப்பிக்கலாம் என்பது குறிப்பிடத்தக்கது.
சபரிமலை செல்வோர் கவனத்திற்கு – ‘ரெட்’ அலர்ட் எச்சரிக்கை விடுப்பு
ஆன்லைனில் வாக்காளர் ஐடி உடன் ஆதாரை இணைக்க எளிய வழிமுறைகள்:
- தேர்தல் ஆணையத்தின் அதிகாரப்பூர்வ இணையதளமான voterportal.eci.gov.in ஐப் பார்வையிடவும்
- உங்கள் மொபைல் எண், மின்னஞ்சல் ஐடி, வாக்காளர் அடையாள எண் ஆகியவற்றைப் பயன்படுத்தி போர்ட்டலில் உள்நுழைக
- உங்கள் மாநிலம், மாவட்டம் மற்றும் பிற தனிப்பட்ட விவரங்களை உள்ளிடவும் -பெயர், பிறந்த தேதி மற்றும் தந்தையின் பெயர்
- தேடல் பொத்தானைக் கிளிக் செய்யவும்
- உங்கள் விவரங்கள் அரசாங்கத்தின் தரவுத்தளத்துடன் பொருந்தி திரையில் காட்டப்படும்
- திரையின் இடது பக்கத்தில் உள்ள ‘Feed Aadhaar No’ விருப்பத்தை கிளிக் செய்யவும்
- ஒரு பாப்-அப் பக்கம் தோன்றும்
- இப்போது ஆதார் அட்டையில் உள்ள பெயர், ஆதார் எண், வாக்காளர் அடையாள எண், பதிவு செய்யப்பட்ட மொபைல் எண் மற்றும்/அல்லது பதிவு செய்யப்பட்ட மின்னஞ்சல் முகவரியை நிரப்பவும்.
- உங்கள் விவரங்களைச் சரிபார்த்து, சமர்ப்பி என்பதைக் கிளிக் செய்யவும்.
- இப்போது விண்ணப்பம் வெற்றிகரமாக பதிவு செய்யப்பட்டதாக ஒரு செய்தி தோன்றும்.
[ad_2]
Source link
